Կոչ `ֆրանսայի Տովիլ Քաղաքէն՝ Հայաստանի Եւ Ազրպէյճանի Իշխանութիւններուն։
Ռուսիոյ, Միացեալ Նահանգներու եւ Ֆրանսայի նախագահները, ֆրանսական Տովիլ քաղաքին մէջ
գումարուած «Առաւել Ճարտար-արուեստականացած Ութնեակի» վեհաժողովին ծիրին մէջ, Լեռնային
Ղարաբաղի տագնապի լուծման վերաբերեալ միացեալ յայտարարութիւն հրապարակելով` Հայաստանի
եւ Ազրպէյճանի ղեկավարներուն կոչ ուղղած են` իրենց երկիրներու հասարակութիւնները պատրաստելու
խաղաղութեան եւ ոչ թէ պատերազմի, ինչպէս նաեւ յունիսին տեղի ունենալիք հանդիպումին ժամանակ
Լեռնային Ղարաբաղի տագնապի լուծման հիմնարար սկզբունքներուն շուրջ համաձայնութեան աշխատանքները
աւարտելու: «Երբ համաձայնութիւն գոյանայ, մենք պատրաստ ենք մեր միջազգային գործընկերներուն
հետ ընդունելու այդ սկզբունքները, աջակցելու խաղաղ համաձայնագիրի մշակման եւ գործադրութեան»,
կը նշուի յայտարարութեան մէջ: